Diweddariadau chwarterol gyda Troi Treth yn Ddigidol
Sut maent yn gweithio a’r dyddiadau y mae angen i chi eu gwybod
Beth yw diweddariadau chwarterol?
Crynodebau o incwm a threuliau’ch busnes yw diweddariadau chwarterol.
Bob 3 mis, mae’ch meddalwedd sy’n cydweddu’n adio’ch cofnodion digidol at ei gilydd i greu cyfansymiau ar gyfer pob categori incwm a threuliau. Yna, anfonir y cyfansymiau hyn at CThEF fel diweddariad chwarterol.
Pwy sydd angen anfon diweddariadau chwarterol?
Ar ôl cofrestru ar gyfer Troi Treth yn Ddigidol (MTD), mae angen i chi anfon diweddariad chwarterol ar gyfer pob ffynhonnell incwm sydd gennych, gan gynnwys:
- incwm o eiddo
- hunangyflogaeth
Sut ydw i’n anfon diweddariadau chwarterol?
Rydych yn anfon diweddariadau chwarterol i CThEF yn uniongyrchol drwy’r feddalwedd MTD o’ch dewis.
Beth sy’n digwydd ar ôl i mi anfon diweddariad?
Ar ôl anfon diweddariad, byddwch yn gallu gweld amcangyfrif o’ch bil treth ar gyfer eich hunangyflogaeth ac incwm eiddo yn eich meddalwedd neu yn eich cyfrif gwasanaethau ar-lein CThEF.
Dyma amserlen o ran MTD ar gyfer Treth Incwm ar gyfer trosiant uwchlaw £50,000
Felly, rydych yn gwybod beth sydd angen i chi ei wneud a phryd.
| Dyddiad | Digwyddiad |
| 6 Ebrill 2026 | Dyddiad dechrau ar gyfer cadw cofnodion gan ddefnyddio meddalwedd MTD ar gyfer Treth Incwm |
| 7 Awst 2026 | Dyddiad cau ar gyfer anfon eich diweddariad chwarterol cyntaf |
| 7 Tachwedd 2026 | Dyddiad cau ar gyfer anfon eich ail ddiweddariad chwarterol |
| 31 Ionawr 2027 | Dyddiad cau ar gyfer cyflwyno Ffurflen Dreth Hunanasesiad yn y ffordd arferol ar gyfer 2025 i 2026 |
| 7 Chwefror 2027 | Dyddiad cau ar gyfer anfon eich trydydd diweddariad chwarterol |
| 7 Mai 2027 | Dyddiad cau ar gyfer anfon eich pedwerydd diweddariad chwarterol |
| 7 Awst 2027 | Dyddiad cau ar gyfer anfon eich diweddariad chwarterol cyntaf ar gyfer 2027 i 2028 |
| 7 Tachwedd 2027 | Dyddiad cau ar gyfer anfon eich ail ddiweddariad chwarterol |
| 31 Ionawr 2028 | Dyddiad cau ar gyfer cyflwyno’ch Ffurflen Dreth yn syth o’ch meddalwedd MTD ar gyfer Treth Incwm ar gyfer 2026 i 2027 |
| 7 Chwefror 2028 | Dyddiad cau ar gyfer anfon eich trydydd diweddariad chwarterol |
| 7 Mai 2028 | Dyddiad cau ar gyfer anfon eich pedwerydd diweddariad chwarterol |
Angen cofrestru o hyd?
Rhowch eich barn
Hoffwn ni glywed eich meddyliau am yr wybodaeth ar y dudalen hon, ac ar GOV.UK. Gallwn ni wedyn wella ansawdd a pherthnasedd yr wybodaeth rydyn ni’n rhoi yn y dyfodol.
Bydd yr arolwg hwn yn cymryd tua 5 munud i’w lenwi. Mae atebion yn ddienw – fyddwn ni ddim yn gofyn i chi nodi unrhyw wybodaeth bersonol a fyddai’n datgelu pwy ydych chi.